පරිවර්තන කවි - අනන්තය...

සඳ පායා නැති අහස් වියනක
අන්දකාරයට අතපොවන රාත්‍රීයක
හුදකලා වූ
තරුවක්,
සූරිය ගසක්,
ළිඳක්,
සහ...
තනිවුන මම...

තවත්...
නෙතුවලට මුවාවුන
හොල්මනුත් ඉන්න ඇති

මිත්‍රය...
මියෙනතෙක් රිදුම් දුන්
 ලේ තැවරූ රැයක් ගැන
නුඹ ලියූ පදවැල් මම දුටුවෙමි...

 නුඹේ ආත්මිය වේදනාවට
මා යලිත් පනපොවනාවිටදි
ඔවුන්ගේ රුදුරු ඇස්...කුරිරු ගිනි අවිවලට
මාද තවත් ගොදුරක් වේවි.....

 හුදකලා ළිං දියේ පාවෙන
තරුවකට අනුබල දෙමින්....
තනිකඩ වු සූරිය ගසත්....
මූසල අඳුරේ ඇස් වලට මුවාවුන හොල්මනුත්
නිහඩ සාක්ෂියක්ව බලා හිදිනා කල...
හෙට අලුත් මළමිනියක්ව
මමත් ලේ තවරාන... ළිං දියේ පාවයාවි...

මොවුහු අපි ගැන
තවත් කවි.. කාව්‍ය
 ගොතාපුදෙන්.....
- එම්. රිෂාන් ෂෙරිෆ්
පරිවර්තනය : රොෂාන් දෑල බන්ඩාර
චිත්‍ර : රොෂාන් දෑල බන්ඩාර

අවසානයක ඇරඹුම....

අඳුරු වලා මැදින්

ගිඟුම් හඩ දිගේ

ආලෝකවත් වෙමින්

නිල් වියන් යටින්

වැසි දියත් එබී

තුරු හිසත් පිස

සීරුවෙන් පහලටම ඇදී

තණ පියසි උඩින්

මල් කැකුලු ලගින්

උනුසුම් හාදු දිදි

තව පහලටමත් 

ගලාගෙන අවුත්

වැවු ඉස්මත්තෙන්

ගං ගාව දිගේ

මහ මුහුදටම ඇවිත්

මියෙන ඉපදෙන මූදු රල මතින්

ආකාසයටම නැගුනා......

අවසානයක ඇරඹුමත් 

ඇරඹුමක අවසානයත් මෙයම නොවේද....?

ස්තූතියි, නැවත එන්න......

ඉර මැදියම රවටන
කළුපාට අව් කන්නාඩි
දූවිලි කපාගෙන ගිය
පෙජරෝ, ප්‍රාඩෝ දුම් සුවඳ
පට්ටම පට්ට ඉර අව්වට
වේලිලා ගිය වරා මල්...
A - 9 වලින් දකුණට
කෙලින්ම නන්දිකඩාල්.........

සුසුමක උණුසුමත් නොදැනෙන
හදවතත් අහිමි හද ගැස්මට
මහාප්‍රාණ විචාරයන් ගොතමින්
තුරු හිසත් අහිමිව
ප්‍රභාසන්සලේෂණයට වරම් සොයන
හතිදාන තල් පවුර ළඟ හිදගෙන
මතක පොතට රූප අමුණන
සංචාරයේ සංචරනය....

 ගිනිගත් නැවක එන්ජිම
පණගන්වන්නට වෙරදරන සිනාහඬ
ගොළුවුන කළපු දියකින් වෙහෙස නිවන්නට
කරදියටම ආවඩමින්
අතීතය නටබුන් මතින් ප්‍රතිබිම්බනය කරමින්.....

 දියවන්නා හඳ එළියට හෙම්බත් වුණ
කොලොම්පුරේ සිත්..
වේලුන තල් අතු අස්සෙන්
මගේ හිනාවත් ඔන්න ඇවිත් අරන් ගියා
මටත් නොකියාම
මගේ ගෙයි මායිමෙන්........

නැවුම් දවසක නැවුම් පැතුමක්....

අමනාප නිල් අහස 
කළු වලා රැගෙන විත් 
නිල් ගුවන එකලු කර 
මහ වැසි ගෙන ආව........ 

දිය සිදුන මහ පොලව 
සෙනෙහසින් අමතමින් 
වැසි බින්දු සිප ගමින් 
නියඟයට සමු දුන්න..... 

නව පැතුම් පොදි බැඳන් 
ඉර එලියත් එක්ක 
හිනාවෙන ඉගිකරන 
මල් කැකුලු පීදිලා....... 

නැවුම් පොලවක 
නැවුම් දවසක 
නැවුම් පැතුමක් 
නැවුම් සුවදින් 

අරන් අවුදින් 
නුඹේ දොරකඩ 
ආයෙමත්...
ආයෙමත් පුරුදු ලෙසම